ئەمساڵیش(1437ی ھیجری قەمەری) وەک ساڵانی ڕابردوو، مەکتەبیەکانی پەیڕەوی ئەحمەدی موفتیزادە لە جەژنی ڕەمەزان خۆیان لە سەرجەم موسوڵمانان جیا کردەوە و بوونە ھۆی تەفرەقە و دووبەرەکی لەناو موسوڵمانان

 بەھۆی ئەوەی کاک ئەحمەدی موفتیزادە شوێنکەوتوانی لە نزیک‌بوونەوە لە قورئان و حەدیس دەترسێنێت، (بە تایبەت لە کتێبی نامەکان، نامەی ژ6 ل78-79)، داوا لە ھۆگرانی دەکات لە قورئان و حەدیس نزیک نەبنەوە و پشتی پێ نەبەستن؛ ھەر بۆیە شوێن‌کەوتوانی ئەحمەدی موفتیزادە کە بە "مەکتەبیەکان" ناسراون، بۆ دیاری کردنی یەکەم ڕۆژی مانگی پیرۆزی ڕەمەزان و جەژنەکان، لەجیاتی پشت بەستن بە حەدیس و شەریعەت، پشت بە تەکنەلۆژیا دەبەستن لەکاتێکدا بۆ دیاری کردنی بۆنە ئایینیەکان حەدیسی سەحیح لە بەردەستا ھەیە

 ماوەی چەن ساڵە لە یەکەم ڕۆژی مانگی ڕەمەزان و جەژن خۆیان لە موسوڵمانان جیا کردۆتەوە و یەک ڕیزی موسوڵمانانیان شێواندووە و تەفرەقەیان خستۆتە ناو موسوڵمانان. دەڵێن ئێمە توانیومانە بە پێی تەکنەلۆژیای فەلەکناسی "موقاڕەنە" چەندین ھەفتە پێشتر بزانین کەی ڕەمەزانە و ھاوکات ڕۆژی جەژنینش دیاری دەکەین

چونکە مەکتەبیەکان بڕوایان بە حەدیسەکان نیە ئەو حەدیسە ڕەچاو ناگرن کە چۆنیەتی دیاری‌کردنی یەکەم‌ڕۆژی ڕەمەزان و جەژن‌مان پێ نیشان دەدات دەفەرمێت: عَن أبو ھُریرە قال " قاڵَ رَسول اللە صَلی اللە علیەِ و سلَّم صوموا لرؤيته وأفطروا لرؤيته ، فإن غُم عليكم فأقدروا له ثلاثين " وقال صلى الله عليه وآله وسلم : لا تقدموا الشهر حتى تروا الهلال أو تكملوا العدة ، ثم صوموا حتى تروا الهلال أو تكملوا العدة " وقال صلى الله عليه وآله وسلم " إذا رأيتم الهلال فصوموا ، وإذا رأيتموه فأفطروا ، فإن عم عليكم فصوموا ثلاثين يوماً "

واتە ڕۆژوو بگرن کاتێک مانگتان بینی وە  بیکەن بە جەژن کاتێک بینیتان ئەگەر نەتان بینی ئەوا دوای ٣٠ رۆژ حساب بکەن و ئەنجا بیکەن بە جەژن. داھێنانی ھۆکارێکی ترە بۆ ڕۆژوگرتن و ڕۆژو شکاندن کە خودای نەیکردووە بە شەرع و یاسا بؤ مسولمانان کە ئەمەش حساباتی فەلەکیە و پاساو ھێنانەوەیە پێی بۆ ڕۆژوگرتن و جةزن كردن بە بەڵگەی ئایەتی قال تعالى (فمن شھد منکم الشھر فلیێمە)

ئەمە و چەندین بیروباوەڕ و کردەوەی مەکتەبیەکان کە دوورە لە شەریعەتی ئیسلام و سوننەت، بۆتە ھۆکاری ئەوەی بەشێک لە زانایانی ئایینی پێیان وابێت مەکتەبی ئەحمەدی موفتیزادە لە مەنھەجی ئەھلی سوننەت لایداوە و ناکرێ پێیان بوترێ ئەھلی سوننەت