هێرشی مهکتهب قورئان بۆسهر حهسهن ڕهحمانپهنا و موحهممهد ژیان ئهمینی
مهکتهبی قورئان له درێژهی تهمهنی خۆی زۆرجار تووشی ههڵهی هێرش و پهلامار دانی ڕهخنه گرانی بووه و سهرکوتی کردون . هێرش و پهلامار دان بۆته بهشێک له ناسنامهی ئهم گروپه .
هێرشی سهربازانی مهکتهب قورئان ( لقی سهعدی قوڕهیشی) دوو لهو کهسانهی کرده ئامانج که ئهحمهدی موفتیزادهیان به مامۆستا و ڕێبهری خۆیان ئهزانی .
لهدوای ئهوهی وهک ههردوو حهسهن ڕهحمانپهنا و موحهممهد ژیان ئهمینی ئیهانهیان به سهعدی قوڕهیشی (ڕێبهری ئیستاکهی باڵی ڕادیکاڵی مهکتهب) کردبێ ، ئهبنه ئامانجی هێرشی مهکتهبیهکان . 6 بۆ 7 کهس له ئهندامانی مهکتهب قورئان سهر به سهعدی قوڕهیشی له مانگی پیرۆزی ڕهمهزان و ئێوارهی ڕۆژی یهک شهممه ڕیکهوتی 14-07-2013 هێرش ئهبهنه سهر ماڵی ناوبراوان و لهبهر چاوی خێزان و منداڵهکانیان (بهبێ ڕهچاو گرتنی کاریگهریی نێگهتیڤ لهداهاتوودا لهسهر منداڵهکانیان) پهلاماریان ئهدهن و لێیان ئهیهن .
ئهحمهدی موفتیزاده وتویهتی له دوشمنهکانیشی خۆش ئهبێت بهڵام به کام وشه وهسفی ئهم هێرشه بکهین که لهلایان کهسانێک پێک هاتووه که ئهحمهدی موفتیزاده به ڕێبهری خۆیان ئهزانن و مهکتهبی قورئان فێری ڕهوشتی کردون !؟ کهسانێک که له بهرامبهر ڕهخنهدا خۆڕاگر نهبن و ههرێمی ماڵ و خێزان ئهبهزێنێنن و لهبهر چاوی خێزاندا پهلاماری ڕهخنه گران ئهدهن و لێیان ئهیهن ئهتوانن مامۆستایانی ئاینی و ئیخلاقی منداڵهکانمان بن ؟ ئێوه تێبینی بکهن ...
دواتر چهن کۆبوونهوهێک له پیوهندی لهگهڵ ئهم ڕووداوه لهماڵی ئهحمهدی موفتیزاده پێک هات . له کۆبوونهوهکاندا لایهنهکانی هێرشبهران ، ههردوو قوربانی ئهم ڕووداوه ، ، شۆڕای نههێشتنی ناکۆکی و بهڕێوهبهرایهتی مهکتهبی قورئان و ههروهها ماجد مهردوخ ڕۆحانی (خوشکهزای ئهحمهدی موفتیزاده) ئاماده بوون . له دوا کۆتایی کۆبوونهوهکان و نهبونی هیچ دهسکهوتێک ههردوو حهسهن ڕهحمانپهنا و موحهممهد ژیان ئهمینی داخویانیێکی سهر ئاوهڵایان بۆ ڕای گشتی دایه دهر که دهقی تهواوی بهم جۆرهی لای خوارهوهیه :
بسم الله الرحمن الرحیم
لهدوا بهزاندنی سنووری ماڵ و بنهماڵه و هێرش و لێدانی ئێمه (موحهممهد ژیان ئهمینی و حهسهن ڕهحمانپهنا) لهلایان چهند ئهندامی مهکتهبی قورئان ، بههۆی ئهوهی گوایا ئیهانهمان به سهعدی قوڕهیشی کردووه . لهدوا دهغڵ و دهستێوهردانی پۆلیس و کرانهوهی فایلێک له ئیدارهی پۆلیس ئیزنی دهستبهسهر کردنی هێرشبهران درا . لهدوا پێشنیاری "شۆڕای نههێشتنی ناکۆکی سهر مهکتهبی قورئان " ڕۆژی 16-07-2013 کۆبونهوهێک به ئامادهبوونی "ماجید مهردوخ ڕۆحانی" بڕوا پێکراوی دوولایهن له ماڵی ئهحمهدی موفتیزاده پێک هات . لهدوا 5کاتژمێر چاوخشاندنهوه و لێکۆڵینهوهی ڕووداوهکه ، سهرجهم بڕواپێکراوان دهنگیان بهوه دا که کردوهێکی قێزهونی ئاشکرایه و ئیدانهی ئهم کردهوهیان کرد .
وهک پیشتر لهم جۆره کردهوانه ڕوی دابوو تهنیا داواکاری ئێمه بۆ لێخۆشبوون لهم سکاڵا ئهوه بوو که شۆڕای ناوبراو ڕای لهبزی و زاری خۆی به نووسراوه ڕابگهێنێت تاکو ڕای گشتی ئاگادار وهبن که لهم جۆره کردهوانه بهرنامهی بۆ دانهڕێژڕاوه و هیچکام له سهرکردهکانی مهکتهبی قورئان پێویستیان بهوه نیه خۆف و دڵهڕاوکێ بخهنه دڵی کهسانی دیکه .
له کاتێکدا که پێویست بوو سهرکردایهتی مهکتهبی قورئان و شۆڕای بهڕێوهبهرایهتی له ڕاگهیاندنی گشتی پێشهکی ههنگاوی ئهرێنیان ههڵبنایا و خۆیان لێی بێ بهری بکردایا ، بهڵام لهوپهڕی بێباوهڕی و بهداخهوه له به نووسراوهکردنی وتهکانیان ڕویان ههڵگهڕانهوه !
ئیستاش که به دواداچوونی ئهم ڕووداوه له دهزگاکانی داد به مافی سهرهکیی خۆمان ئهزانین ، لهسهر داوای کاک ماجد که لهنیاز پاکی و خێرخوازی ئهو کهسه دوودڵ نین ، لێیان خۆش ئهبین و ویژدانی گشتی کۆمهڵگا ئهکهینه دادوهر و ههمووتان به خوای دهسهڵاتدار ئهسپێرین .
به ڕێزهوه : حهسهن ڕهحمانپهنا موحهممهد ژیان ئهمینی
27/4/1392
ماڵپهری هاوبهشی حهسهن ڕهحمانپهنا و موحهممهد ژیان ئهمینی:
http://www.jian-hassan.blogfa.com/
چهن نمونهێکی دیکه له کردهوهی سهپاندنی توندوتیژی مهکتهبی قورئان :
ــ دهمهقاڵه و پهلاماردان و لێک ههڵپڕژاندنهوه لهگهڵ یهکێک له گروپهکانی دیکهی ئایینی له مزگهوتی دارالاحسان له گهڕهکی بهردبڕانی شاری سهقز بۆ خستنه ژێر ڕکێفی ئهو مزگهوته . ماوهی چهندین ساڵه بهم جۆره پهلاماری یهکتر ئهیهن و ههموو جارێک به نێوبژیوانی پیاوانی بهساڵاچووی ئهو گهڕهکه کۆتایی پێ دێت .
ــ هێرشی سهر ئهو کهسانهی له کۆبوونهوه و میوانیدا ڕهخنه له مهکتهبی قورئان و ئهحمهدی موفتیزاده ئهگرن .
ــ پهلاماردان و لێدانی ئهندامانی یهکێکی دیکه له گروپهکانی ئایینی لهلایان ئهندامانی مهکتهبی قورئان له مزگهوتی پێغهمبهر(ص) له گهڕهکی گوڵشهنی شاری سنه ، لهسهر پێشنوێژی .
ــ هێرشی سهدان کهس له ئهندامانی مهکتهبی قورئان له ساڵهکانی 2005-2006 بۆسهر گوندی یهکشهوه سهر به شاری بۆکان و تێکگیران و لێدان و شهڕ لهگهڵ دانیشتوانی ئهو گونده به هۆی ئهوهی مامۆستای ئهو گونده ڕهخنهی له ئهحمهدی موفتیزاده گرتبوو .
پێوەندی / تماس :