موفتیزادە لەناو بازنەی کەسانی باوەڕ پێکراوی خومەینی
لەگەڵ دەسەڵات‌گرتنی کۆماری ئیسلامی لە ساڵی ١٣٥٧ی هەتاوی (١٩٧٩ی زاینیی)، ئەحمەدی موفتیزادە خۆی لە ئیمام خومەینی نزیک خستەوە و بووە هاوەڵ و هاوڕێی و لە هەرکوێوە دەرفەت بڕەخسایە وەک لێپرسراوێکی دڵسۆزی کۆماری ئیسلامی تێ دەکۆشی. موفتیزادە لە ڕیزەکانی پێشەوە یان لە تەنیشت خومەینی و لە پاڵ ئایەتوڵا خەڵخاڵی کە ناسراوە بە قەسابی کوردستان دادەنیشێت و لەگەڵ ئاخوندەکانی دیکە کێبەرکێی خزمەت‌کردنی ئەکرد بە ئیمام خومەینی.
لە بەڵگەیەکی ڤیدۆیی‌دا لەپاش وتاری خومەینی، مایکڕۆفۆنەکە لە دەستی خەڵخاڵی دەر دێنێت بۆ ئەوەی خۆی قسە بکات و خەڵک بە ئەمری خومەینی دەر بهێنێت. بە دیان‌پیانانی ئەحمەدی‌موفتی‌زادە لە کتێبەکەی (دربارە کردستان) لەڕێی مەکتەبیەکانەوە چەک و فیشەکیان لە خەڵک دەسەند و ڕادەستی دەسەڵاتی دەکرد، پاشان گلەیی لە دەسەڵات دەکات کە بۆچی چەک و فیشەکی زیاتری پێ نائەدان بۆ ئەوەی لەدژی دژەکۆمار (مەبەستی حیزبەکانی ڕۆژهەڵات) شەڕ بکەن !؟
لە بەڵگەیەکی ڤیدۆیی دیکەدا، کاتێک خومەینی لە شاری قوم وتار پێشکەشی خوێندکارانی زانکۆ دەکات، خومەینی تێکەڵ بە لیژنەی کاربەڕێ‌خەری ئیمام خومەینی لە پێشەوە ڕاوەستاوە. ڕاوەستانی ئەحمەدی موفتیزادە لە تەنیشت خومەینی کە سەرکردەی تازەپێگەشتووی کۆماری ئیسلامی بوو ئاسان نەبووە و ناکرێت بەبێ هۆ بێت. لە کاتێکی وەها هەستیاردا، تەنیا کەسانی متمانەپێکراوی کۆماری ئیسلامی توانیویانە هێندە بە خومەینی نزیک وەبن کە وەک لە ڤیدۆکەیا دەیبینین، ئەحمەدی موفتیزادە لەناو بازنەی نزیکترین کەسەکان بە خومەینی جێی گرتووە.
بڕێک کەس دەڵێن ئەو نزیک‌بوونەوە لە خومەینی لە سەرەتادا بووە و دواتر وا نەماوە بەڵام موفتیزادە هەتا ئەوکاتەی هەستی بەوە نەکرد کە بەکار هێنراوە، دەستی لە دژایەتی ڕەوتی سیاسی کورد و خزمەت بە کۆماری ئیسلامی هەڵنەگرت. موفتیزادە بە وتار، نووسین و کردار لەدژی ئەهلی سوننەت و ڕەوتی خەباتی سیاسی کورد دەجووڵایەوە و دەیان و سەدان بەڵگە لەم پێوەندیە لەبەردەستایە.
لەو بڕگە ڤیدۆیەدا کە پێک هاتووە لە دوو بەش، دەبینن کاک ئەحمەدی موفتیزادە لە نزیکترین کەسەکانە بە ئیمام خومەینی و لە بازنەی کەسانی متمانەپێکراوی کۆماری ئیسلامی جێ دەگرێت.
لەم ڕیگانەوە دەتوانن دەتوانن بینەری بن:
یان
YouTube ▶️ https://www.youtube.com/watch?v=Tdn9dg26W3M&t=6s
Facebook ▶️ /https://www.facebook.com/rochne4/videos/1625611664262356
پێوەندی / تماس :