ئامانجی موفتیزادە خزمەت نەبوو

ئەحمەدی موفتیزادە زیاتر لە 30ساڵ پێشتر ویستی لە ھەندێک ڕەوتی ئایینی و سیاسی بەشدار بێت و دواتر بیرۆکەێکی لەژێر ناوی "مەکتەبی قورئان" دامەزراند کە ئیستاش کەسانێک خۆیان بە شوێنکەوتووی ئەحمەدی موفتیزادە دەزانن لە پارێزگای کوردستان بوونیان ھەیە و پێیان دەگوترێ مەکتەبیەکانی سەر بە ئەحمەدی موفتیزادە. موفتیزادە وەک کەسێکی ئایینی ناسرواە بەڵام ھەندێک بیرۆبۆچوونی ھەیە لە دژی قورئان و سوننەت و شەریعەتی ئیسلامە و لە بواری سیاسیش ھەندێک ھەڵەی بووە کە خەساری ئەو ھەڵانە تا ئیستاش درێژەی ھەیە. کاتێ موفتیزادە لەڕێی حزبە سیاسیەکان نەیتوانی بە ئامانجی خۆی کە دەسەڵات بوو بگات، ھاتە دەر و لەڕێی ئایین ھەوڵی دا کەسانێک لەخۆی کۆ بکاتەوە و سەرکەوتووش بوو . دوا ڕووخانی ڕژێمی شا، موفتیزادە بە خۆ نزیک خستنەوە لە ڕێبەرانی ئەو کاتی ئێران بە تایبەت ئیمام خومەینی ویستی ڕێبەرایەتی پارێزگای کوردستانی پێ بدرێت. ئیمام خومەینی ھەندێک دەسەڵاتی لە پارێزگای کوردستان و زیندانەکان پێ بەخشی و وەک نوێنەری خۆی لە پارێزگای کوردستان ناساندی. ویستی ببێتە دەنگی ھەموو کۆمەڵگای کوردستان بەڵام چونکە نەیتوانی، بووە ھۆکاری ھەندێک قەیرانی سیاسی تا ڕادەیەک سەدان کورد لە پێناویدا گیانی خۆیان لەدەست دا. کاتێ موفتیزادە حزبەکانی لە دژی خۆی دی داوای لە ئیمام خومەینی کرد ھێزێکی بخاتە ئیختیار بەڵکو حزبە نائیسلامەکان لە کوردستان ڕاماڵێ. لەم چوارچێوە موفتیزادە سازمانی پیشمەرگانی موسوڵمانی کوردی دامەزراند. ھەرچەن پێشتر لە کتێبی دربارە کردستان لاپەڕە239 گوتبووی نزامی جمھوری ئیسلامی برھەمی خوێنی سەحابەیە بەڵام کاتێک بەو دەسەڵاتە نەگەیشت کە چاوەڕێی دەکرد ئەمجارە لە دژی دەسەڵات قسەی دەکرد و دواتر بەپێی یاسای وڵاتی ئێران خرایە زیندان. زۆر کەس وا بیر دەکەنەوە موفتیزادە لەسەر کوردایەتی و دین گیرا بەڵام بەپێچەوانە موفتیزادە شەڕی دەسەڵاتی کرد و لەو ڕێ گیانی خۆی دا.

بەشێک لە کردەوە و بیروبڕوای ئەحمەدی موفتیزادە :

1- موفتیزادە ھەندێک بیروبۆچوونی دژی قورئان و سوننەتی بوو کە یەکێک لەوانە ئەمەیە کە ئەڵێت : ئەو بوت پەرستەی بە ئیخلاسو دڵێکی پڕ لە گریانتر لە چاو سەری سوجدەی بۆ بوتێک نەواندووە ، لە ھەردوو دونیا زۆر نزیکترە بە خوا و خۆشەویسترە لەلای خوا لەو موسوڵمانەی بە دڵێکی ناپاک لە مسجدالحرام و لە بەرامبەر مەقامی ئیبراھیم و ڕوو لە کەعبە سوجدەی بۆ خوا بردووە (کتێبی نامەکان ، نامەی ژمارە8لاپەڕە102) . یانی موفتیزادە بوت پەرستێک لە موسوڵمانێک لەلای خوا بە خۆشەویستر ئەزانێت لە کاتێکدا خوا لە چەن شوێنی قورئان ئەفەرمێت لە موشریک خۆش نابم .
2- موفتیزادە ئەڵێت بەم ڕاستیە گەشتووم گومانم ھەیە کافر بوونی ھەبێت . (نامەی ژ6 ل75 لە کتێبی نامەکان) . ھەروەھا لە چەن شوێنی کە ئەڵێت لەسەر گۆی زەوی کافر بوونی نیە (کاسێتی کوفر و ئیمان) .
3- موفتیزادە لە بڕگەیەکی دەنگی ئەڵێت : پێش مرۆڤ حەیوانێک لەسەر گۆی زەوی ژیاوە کە خواردنی گژوگیا و گۆشت بووە . گیاندارانی دیکە زەلیلی دەستیی بوون ، لە شێر و بەبر خوێنڕێژتر و دڕەندەتر بووە ، لە کەرگەیەن نێعمەتەکانی زیاتر لەناو بردووە ، بە گشتی دەسەڵاتی سەرجەم حەیواناتی سەر گۆی زەوی بووە . دواتر ئەڵێت : مرۆڤ لەو حەیوانە لەدایک بووە و ئیستا مرۆڤ جێگری ئەو حەیوانەیە . پێشتر لەسەر چوار دەستو پێ ڕۆشتووە بەڵام دواتر تەکامولی پەیا کردووە و ئیستا لەسەر دووپێ ئەڕوات .
4- موفتیزادە ئەڵێت : لەسەر کتێب و ڕەوایات واتا قورئان و حەدیس بڕیار مەیەن و بەڵگە مەھێننەوە چونکە تووشی ئیفرات لە دین ئەبن و تووشی خیانەت بە خوا و پێغەمبەر "ص" ئەبن ... دواتر ئەڵێت پرسیار لە منی برای ڕیش سپیتان بکەن . (کتێبی نامەکان نامەی6 لاپەڕە 79-78)
5- موفتیزادە باس لە بیدعەی حەسەنە ئەکات (نامەی ژ6ل8)
6- لە سی‌دی ژمارە 3 تراکی B17 سووکایەتی بە حەزرەتی مەعاویە ئەکات و ماڵی حەزرەتی مەعاویە وەک کاخ وەسف ئەکات لە کاتێکدا ماڵەکەی خۆی کە دەیان ساڵ پێشتر بە بڕە پوڵێکی زۆر ساز کراوە ئیستاش لە بواری بیناسازی لە شاری سنە ، وەک ماڵێکی مام ناوەندی شارەکەو ماڵێکی ئەمڕۆیی لەچاو دراوسێکانیان ماوەتەوە . شایانی باسە لە کاتی سەرکەوتنی شۆڕشی ئێران بە سەرکردایەتی ئیمام خومەینی مانگانە بڕی 15ملوێن تمەنی لەلایان ئایەتوڵڵا تاڵقانی پێ ئەدرا کە لەم کاتەیا مانگانەی 15 کارمەندە .
7- موفتیزادە ھاوڕایە لەگەڵ "داروین" کە وتبووی مرۆڤ لە مەیموون خولق کراوە . (کتێبی حکومت اسلامی ل59) موفتیزادە ئەڵێ مرۆڤ پێشتر لە مەیموون بووە و بە تێپەڕ بوونی کات بۆتە ئەم مرۆڤە کە ھەیە لەکاتێکدا خوای گەورە لە چەن شوێنی قورئانی پیرۆز بە ڕوونی ئەفەرمێت مرۆڤ لە گڵ و دواتر لە نوتفە خولق کراوە . (ال عمران59 ، کھف37 ، حج5 ، روم2 ، فاطر11 ، غافر67) .
8- لەبواری مەزھەب ئەڵێت : شۆڕا ئەتوانێ شۆڕشێک بێت کە ئێمە لە پەراوێز دوور بخاتەوە و یەکمان وەخات و دواتر ئەو فیرقە مەزھەبیانەی لەژێر ناوی ساختە و بە پاڵپشتی ھێزەکانی ناوەکی و دەرەکی ئاژاوە ئەگێڕن ھەڵوەشێتەوە . لێرەدا موفتیزادە مەزھەبەکان بە ئەسلام نازانێت و ھێرش ئەکاتە سەر فکرە ئایینیەکانی کەی ئیسلام و مەزھەبەکان و بەھۆکاری ئاژاوەیان ئەزانێت . (کتێبی حکومت اسلامی ل17) .
9- لە بڕگەێکی تۆمار کراوی دەنگ ئەڵێ : ئیستا بە کاتێکی باشی ئەزانم کە خاڵێکتان بۆ ڕوون وەکەم و دواترئەڵێ : مەعاویە چۆن کەسێک بوو ؟! کە عومەر دەسەڵاتی پێ‌دابوو کاتێکیش وەختی چوونی حەج ئەگەشت موسوڵمانان یەکیان ئەگرتەوە و ھاوکات لەبەر چاوی موسوڵمانان کۆتەکی لێ ئەدا . پرسیاریان کرد عومەر ئەگەر مەعاویە ئەوندە نائینسانە کە پێویستە لێدانی لێبەی بۆچی دسەڵاتت داوەتێ ؟ و ئەگەر شایەنی سەرکردایەتیە بۆچی سووکی ئەکەی و لێی ئەییت ؟ لە وڵامدا ئەڵێت : موعاویە زۆر کارزانە و ھێندەی کارزانە خۆ بە زلزان و خۆ پەرستە . کاتێ ئەینێرم بۆ جێبەجێ کردنی ئەمرێک ، تاکو کوتەکی عومەری بە سەرەوە بێ ھەواڵێک لە خۆ بەزلزانی و خۆپەرسی مەعاویە نابێ و تەنیا خزمەتکارێکی باشە بەڵام ئەترسم لەو ڕۆژەی کوتەکی عومەری بەسەرەوە نەبێ و خوا ڕەحم بە حاڵی موسوڵمانان بکات (کاسێتی ژ7 تراکی A-8-65) .
10- کاتێ باسی خەلافەتی حەزرەتی عوسمان ئەکات و سووکایەتی پێ ئەکات و ئەڵێ : نەفرەتی ئەکرد ئەیوت ئێمە ناتوانین لەگەڵ ئێران و ڕووم شەر بکەین ، مەعنەویاتی شکستی ئەھێنا و خۆی بە دەستەوە ئایا (نەواری ژ7 تراکی A-8-65) خولەکی 33 بە دوا .
11- موفتیزادە ئەڵێ : بۆ نمونە ئیستا لە ئێران فیرقەی جیاوازی کۆن و تازە ھەیە . فیرقەی جۆراوجۆری کۆن ئیستا بۆتە باو ھەرکەس شوێن مەزھەبێک کەوتووە . بۆ نموونە شافعی ، جەعفەری ، حەنەفی و ھتدک... . گروپە تازەکانیش ھەرکام بە شێوەیەک لە ئیسلام تێگەشتنیان ھەیە . جیا بوونەوی ئەم لقانە لە ئیسلام بەرھەمی ئەو خیانەتەیە کە دواتر باسی لێ ئەکەین (کاسێتی دین و ئینسان) . بەم شێوە موفتیزادە شافعی بە فرقە و بەرھەمی خیانەتی ئەزانێ .
12- موفتیزادە ئیھانەت بە حەزرەتی ئەبووبەکر (د.خ) ئەکات و خۆی لە خەلیفەی یەکەمی موسوڵمانان بە زاناتر ئەزانێت وئەڵێ : جەنابی صدیقی گەورە بە پێچەوانەی قەواعدی شەرع کاری کرد و ھەموو سەروەتوو سامانەکەی خۆی بەخشی و خۆی بە ھەژاری ژیا . لەکاتێکدا زۆربەی موفەسیران (تەفسیری ابنی کثیر ، تەفسیری قربطی ، نقل لە ابن عباس ، تەفسیری مەحشەری ، تەفسیری ابن عباس ، تەفسیری بیضاوی ، تەفسیری فخر ڕاضی) ئەفەرموون ئایەکانی 21-18 سوڕەی اللیل لە وەسفی حەزرەتی ئەبووبەکرە رضی اللە عنە و ھەموو سەروەتوو سامانی لە پێناو ئیسلام بەخشی .
13- موفتیزادە لە کتێبی (حکومت اسلامی ل17) سووکایەتی بە مەزھەبەکان ئەکات و ئەڵێ : شۆڕا ئەتوانێ جوڵانەوەیەکی شۆڕشگێڕانە بێت کە ئەتوانێ ئێمە لە تەفرەقە بپارێزێت و یەکمان وەخات و دوای ماوەیەک لە دروست بوونیان ، ئەو مەزھەبانە دەستکردانە لەناو ئەچن وئێمە تەنھا موسوڵمان ئەبین . بەم جۆرە ترسناکترین چەکی دروست بوونی شەڕ لە چنگ دوشمنانی دەرەکی و ناوخۆیی ئەسێنینەوە . بەم شێوە موفتیزادە ئەڵێ مەزھەبە دەستکردەکانی شافعی و حەنەفی و ھتدک... بوونەتە ھۆکاری ئاژاوە و ئەبێ لەناو بچن . موفتیزادە خۆی دژایەتی بەشەکانی دیکەی ئیسلامی ئەکرد و لەملاوەش ئەڵێت با ھەموومان بچینە ژێر دەسەڵاتی شۆڕا . لەوانەیە مەبەستی موفتیزادە ئەوە بێت ھەموو بەشە ئایینیەکان بچنە ژیر ڕکێف و دەسەڵاتی شۆڕای مەکتەب قورئان !
14- چەن بیروباوەڕی کەی موفتیزادە : بە بیروباوەڕی موفتیزادە گرنگ نیە دین و باوەڕی کەسێک چی بێ بەڵکو ئەوە گرنگە بڕوای عەقیدەی خۆی ھەبێ و ئەمەش ئەبێتە ھۆکاری فریا کەوتنی / موفتیزادە لەسەر ئەو باوەڕەیە کەسێکی کۆمۆنیست بە مەرجێک باوەڕ و ئیخلاسی بە عەقیدەی ھەبێ لە کەسێکی ئیمانداری ڕیاکار باشترە و ڕزگاریشی ئەبێ / شیفاعەتی سوغرا لە قیامەت ئینکار و ڕەتی ئەکاتەوە / شەڕی پێغەمبەر"ص" و یارانی لە دژی کافرەکان لەپێناو نەھێشتنی زوڵم ئەزانێت نەک پەرە پێدان بە دینی خوا / موفتیزادە بە پێچەوانەی ھەموو عالمانی دین و سوننەت و جەماعەت ، حەدیسەکان ئەخاتە ژێر پرسیار و شک و ئەڵی ئەبێ سەر لەنوێ چاویان پیا بخشرێتەوە . بەو ھۆیەش مەکتەبیەکان تەنھا بایەخ بە بەشێکی کەم لەو حەدیسانە یەئەن کە بێھێزن یا بابەتی نین / موفتیزادە ڕابەری کۆمۆنیستەکانی زئیر بەنان‌پاترسی بە کەسێکی لەخوا ترس و خۆشەویستی خوا وەسف ئەکا / ئیمان بە ڕەسالەتی پێغەمبەر"ص" بە یەکێک لە مەرجەکانی ڕزگار بوون نازانێ / پێوەندی حۆریەکانی بەھەشت لەگەڵ ئینسانی موسوڵمان بە بێ بنەما ئەزانێ .

http://www.youtube.com/watch?v=eM1GZoktHKA

http://www.youtube.com/watch?v=omlx54otzxA

http://www.rochne.blogfa.com/post/29

http://www.youtube.com/watch?v=9uwJCcusWVs

http://www.rochne.blogfa.com/post/32

http://www.rochne.blogfa.com/post/20