ئەندامی لایەنێکی ڕۆژهەڵات کە لە بواری مافەکانی مرۆڤ چالاکە ئاماژە بە ڕاپۆڕتێکی نێردراو لەلایەن خەڵکی مەریوانەوە دەکات و باسی شانۆگەری مەکتەبیەکان دەکات. وەک دەگێڕنەوە، سپای پاسداران و مەکتەبی قورعان (سەر بە ئەحمەدی موفتیزادە) بە پاساوی دابەشکردنی هاوکاری، کەرامەتی هەژاران دەشکێنن.

مەکتەبی موفتیزادە کە شانۆگەری دابەشکردنی هاوکاری بەڕێوە دەبات، ئەگەر هاوکاری بنەماڵەیەکی دەرەوەی ئەندامانی مەکتەب بکات، دراوسێکانیان لێ تێ ئەگەیەنن و کەرامەتیان لەپێش چاوی خەڵک دەشکێنین. ئەم شێوازە لە هاوکاری دوورە لە بنەمای ئەخلاق و ئینسانیەت و تەنانەت شەرعی ئیسلام. مەکتەبیەکان لە ڕابردووش هەوڵی هاوشێوەیان داوە بۆ خۆ نمایش کردن. لە بابەتەکانی پێشووتردا ئاماژەمان دابوو کە مەکتەبیەکان یارمەتی خەڵکانی دیکە نادەن مەگەر ئەوەیکە بیانەوێت پڕوپاگەندەی پێوە بکەن.

هەروەها لەو وێنەیا کە ناوی کەسانی مەکتەبیی لە خشتەکەیا گونجاوە، مەکتەب قورعان داوای لە خەڵک کردووە هاوکاریە ماددیەکانیان بخەنە ناو حسابی بانکی ئەندامانی مەکتەب بۆ ئەوەی لەنێوان خەڵکانی هەژار دابەشی کەن. هەموو دەزانین مەکتەب قورعانیەکان کە سیستەمی جوولەکە پەیڕەوی دەکەن، لەنێو یەکدا بازرگانی بەهێزیان ڕێک خستووە بەجۆرێک کە خێر و بێریان تەنیا بۆ ناو ئەندامانی خۆیانە و لە بواری ئابووری بەهێزن. کەواتە چۆنە و بۆچی لە کاتێکدا کە مەکتەب قورعان گرفتی ئابووری نیە و دەوڵەمەندترە لە کۆمەڵگەی کوردستان، داوا لە خەڵکێک کە لەژێر گوشاری ئابووریە دەکەن پووڵ بخاتە ناو حسابی بانکەکانیان؟

شوێنکەوتوانی ئەحمەدی موفتیزادە وامی (عیقار)ی زۆر لە بانکەکان وەر دەگرن و بازرگانی پێوە دەکەن و وەک پێشتر ئاماژەمان پێ داوە، مەکتەب قورعان بوەتە کۆمپانیەکی گەورەی بازرگانی. هەرچەند لەڕوانگەی شەرعەوە وام وەرگرتن حەرامە بەڵام مەکتەبیەکان کە بڕوایان بە حەدیس نیە و زۆرکاتیش پێچەوانەی قورعان هەڵسوکەوت دەکەن، وام لە بانکەکان وەر دەگرن و بازرگانی پێوە دەکەن و لەڕێی بانکەوە سوو ئەدەنەوە بە دەوڵەتی ئێران. دەسەڵاتی تارانیش ئاگاداری ئەم بابەتە هەیە و ڕێگەی داوە مەکتەبی کاک ئەحەمەدی موفتیزادە پەرە بسەنێت و بەبێ کەمترین کێشە چالاک بێت. مەکتەبیەکان کۆمەڵگەیەکی دوورگەییان لەناو گەلی کوردستان پێک هێناوە و بەو هۆکارانەی باسمان کرد، لەبواری ئابووریدا بەتواناترن و لەچاو کۆمەڵگەی کوردەواری، گرفتی ئابووریان نیە.

 

YouTube ▶️